ସଂକ୍ଷେପରେ ପୁରୀ ପୌରପାଳିକା

ତା 25.1.1881 ରେ ପ୍ରକାଶିତ ବଙ୍ଗଳା ପୌରପାଳିକା ଅଧିନିୟମ ବିଜ୍ଞପ୍ତି ଅନୁଯାୟୀ 16.84 ବର୍ଗ କ୍ଷେତ୍ରକୁ ନେଇ ପୁରୀର ପୌରପାଳିକା ଗଠନ କରାଯାଇଥିଲା, ଯାହା 26/01/1881 ରେ କଲିକତା ଗେଜେଟରେ ପ୍ରକାଶିତ ହୋଇଥିଲା। ପୁରୀ ଏକ ବିଶ୍ଵ ବିଖ୍ୟାତ ତୀର୍ଥଯାତ୍ରୀ ଏବଂ ପର୍ଯ୍ୟଟନ କ୍ଷେତ୍ର ଅଟେ | ଏହା ମହାପ୍ରଭୂ ଶ୍ରୀ ଜଗନ୍ନାଥ ଓ ସ୍ଵର୍ଣାଭ ବେଳାଭୂମି ପାଇଁ ବିଶ୍ଵ ପ୍ରସିଦ୍ଧ | ଚାରିଧାମ ମଧ୍ୟରେ ଅନ୍ଯତମ ଏହି ପୂଣ୍ୟ ଧାମ ବର୍ଷ ସାରା ସମସ୍ତ ଧାର୍ମିକ ତୀର୍ଥଯାତ୍ରୀ ତଥା ଦେଶୀ ଓ ବିଦେଶୀ ପର୍ଯ୍ୟଟକଙ୍କୁ ଆକର୍ଷିତ କରିଥାଏ | ପ୍ରାୟ 2.01 ଲକ୍ଷ ସ୍ଥାୟୀ ଜନସଂଖ୍ୟା ବ୍ୟତୀତ, ପୁରୀର ଭାସମାନ ଜନସଂଖ୍ୟା ଦୈନିକ ପ୍ରାୟ 1 ଲକ୍ଷ ଏବଂ ଏହି ସଂଖ୍ୟା ପର୍ବପର୍ବାଣୀ ଦିନ ମାନଙ୍କରେ ଆହୁରି ଅଧିକ ରହିଥାଏ | ସହରର ଭୌଗୋଳିକ ସ୍ଥିତି ଦୃଷ୍ଟିରୁ, ଜଳବାୟୁ ସ୍ୱାସ୍ଥ୍ୟ ପାଇଁ ଉତ୍ତମ ଅଟେ |

ଏହା 19.28 ଉତ୍ତରରୁ 20.13 ଅକ୍ଷାଂଶ ଏବଂ 84.29 ପୂର୍ବରୁ 86.25 ଦ୍ରାଘିମାରେ ଅବସ୍ଥିତ | ଏହି ସହରଟିକୁ ଦକ୍ଷିଣ ଏବଂ ପୂର୍ବଦିଗରେ ବଙ୍ଗୋପସାଗର ଘେରି ରହିଛି ଏବଂ ଏହା ଜିଲ୍ଲା ପ୍ରଶାସନର ମୁଖ୍ୟାଳୟ ଅଟେ | ପର୍ଯ୍ୟଟନ, ମତ୍ସ୍ୟଚାଷ, ହସ୍ତଶିଳ୍ପ ସହର ବାସିନ୍ଦାଙ୍କ ମୁଖ୍ୟ ଆୟ ଉତ୍ସ | ପଶ୍ଚିମବଙ୍ଗରୁ ପ୍ରବାହିତ ପର୍ଯ୍ୟଟକଙ୍କ ସଂଖ୍ୟା ସର୍ବାଧିକ ହୋଇଥିଲେ ମଧ୍ୟ ସମଗ୍ର ଭାରତବର୍ଷର ତୀର୍ଥଯାତ୍ରୀ ଏହି ସହରକୁ ବର୍ଷସାରା ତୀର୍ଥାଟନ ଓ ପର୍ଯ୍ୟଟନ ନିମନ୍ତେ ଆସି ଥାନ୍ତି | ରଥ ଯାତ୍ରା, ଦଶହରା, ପୂଣ୍ୟ ମାସ କାର୍ତ୍ତିକ, ଚନ୍ଦନ ଯାତ୍ରା, ଦୋଳ ପୂର୍ଣ୍ଣିମା, ସ୍ନାନ ପୂର୍ଣ୍ଣିମା, ଯାଗର ଯାତ୍ର ଇତ୍ୟାଦି ଧାର୍ମିକ ଉତ୍ସବରେ ତୀର୍ଥ ଯାତ୍ରୀ ଓ ପର୍ଯ୍ୟଟକଙ୍କ ସଂଖ୍ୟା ବହୁ ଗୁଣ ବୃଦ୍ଧି ପାଇଥାଏ | ଡିସେମ୍ବର ଏବଂ ଜାନୁଆରୀ ମାସରେ ଏହି ସହରର ଜଳବାୟୁ ଅତ୍ୟନ୍ତ ମନୋରମ ଅଟେ | 2008 ମ୍ୟୁନିସିପାଲିଟି ନିର୍ବାଚନ ଅନୁଯାୟୀ, ମୋଟ ଭୋଟରଙ୍କ ସଂଖ୍ୟା 1,42,199 | 2011 ଜନଗଣନା ଅନୁଯାୟୀ ପୁରୀ ମ୍ୟୁନିସିପାଲିଟିର ଜନସଂଖ୍ୟା 2,01,016 |